अनजान माया || Anjan Maya

अनजान माया || Anjan Maya



मोबाइलमे अन्जान नम्मरसे मिस्कल आइट । मै सोंच्ठु के हो आज नयाँ नम्मरसे मिस करटा । कोइ चिन्हल मनै जरुर हुइ कैक मै अपन होंरसे फोन कर्ठु । फोन लागट एकघचिक पाछे फोन  उठट । ओहोंर से लौन्डिक आवाज आइल टे मै झस्कनु । कौन लौन्डि हो आज महि अइसिके मिस करटा । उ आवाजमे मिठास पन रहे । मढुर नरम आवाज सुन्टि मिठ लग्ना । सुन्टि मजा लग्ना आवाज । मै कनु कहाँसे के हुइटो ? मिस्कल आइल रहे । उ कलिन नाइ मै टो नैकर्नु । कब मिस्कल आइ रहे कना प्रस्न कर्लिन । मै कनु अब्ब भर्खर टे । मने उ मनाहि कर्टि गैलिन । मै जिद्दि कर्टि गैनु । नै कर्लो टे के हुइटो बटाउना । कटि मै जन्ना प्रयास कर्टि गैनु ।उ मोर परचिय लेलिन मै अपन परिचय जम्मा डेनु मने उ मनाहि कर्टि गैलिन । ओ फोन काटडेलिन । 


भिडियो विज्ञापन हेर्नुहोला ।



एकघचिक पाछे फे मै फोन लगैनु । फेनसे मै उहे प्रस्न कर्नु ओ पुछे लग्नु । अत्रै बटाउना कौन ठाउँक हुइटो ?उ कलिन काहे चाहल अजय जी मोर परिचय कटि उ कलिन डाङके । डाङटे मै कोन्वा कोन्वा घुम्ले बटुं । कटि मै अपन बाट नमाइ खोज्नु । ढिरेढिरे उ बोलि से मोहिट हुइटि गैनु । अन्जान मनैफे अत्रा मिठसे बोल्ना  । ना कौनो गारि ना कौनो रिस । हम्रे फोनमे रमाइ लग्लि । 


ढिरेढिरे हुँकार सारा मनके बाट बुझ्ना प्रयास कर्नु । जबफेन खालि हुइलेसे हुंकिनसे बाट करे लागु । हुँकिनसे  मिठ-मिठ बाट करे लग्नु । हुँकार आवाज सुन्ना मन लागे । जाट्टिक कनाहो कलेसे मै हुँकिनहें एकठो टाइम पासके लाग समझ्ले रहुँ । जब महि बोर लागे मै हुँकिनसे फोन कर्ना करु । महि मजा लागे हुँकिनसे बाट कर्ना, रमैना । साइड हुँकिन फेन मजा लागिन काहुन । हम्रे हाँस हाँसके बाट कर्के रमैना करि । मै पुछ्ना करु टुँहार ब्वाइ फ्रेन बटैं कि नाइ । उ कहिइ कोइ नै हुँइट । महिन हुँकार बाटपर बिस्वास लागे । हुँकार बारेम बहुट कुछ जन्ना चाहुँ । उ सबकुछ बटैलिन ।


भिडियो विज्ञापन हेर्नुहोला ।


मै हुँकिनसे मायाके नाटक कर्ले रहुँ । जात्तिसे मै हुँकिन केबल अपन टाइम पासके लाग समझ्ले रहुँ । टाइम पासके लाग संघरिया बनैलेरहुँ । मै हुँकिन मैयाके प्रस्टाप ढारु टे उ मनाहि कर्टि गैलिन । इ चक्कर लकभक तीन बर्ष चलल् । तीन बर्ष सम हमार मुंरभेंट नैहुइलेसे फोने फोनमें हम्रे बहुट लग्गे रहि । असिन लागे हम्रे संगे बटि । असिके हम्रे एक डोसरसे बाट बट्वाके रमैना करि । सुख दुखके बाट बट्वइना करि । मने मै हुँकिन सिरिफ मनोरन्जन कर्ना सोंच बनैले रहुँ । मैयाके टे खालि नाटक रहे । मै हुँकार बारेम हुँकार मनके बाट सबकुछ बुझ्ना प्रयास करु  । कि कसिन लौन्डि हुँहिन उ महिसे असिके बाट कर्ना चहठिन । महि लागे साइड उ महि चाहठुहिन  । मै हुँकिन बारबार मैयाके प्रस्टाप ढर्ना करु । तर उ मोर बाटहे अन्टे घुमैना कोसिस करिंन । 


भिडियो विज्ञापन हेर्नुहोला ।



कहिन टुँ कन्चनपुरके मै कहाँ डाङ् के । अत्रा डुर कैसिक सम्भब हुइ । मै डुर भोज कर्ना नै चहठुं । मै हुँकार मन बहुट चोर्ना करु । हुँकिनसे मैयाके बाट  कर्ना करु । उफे महिसे अपन सब बाट कर्ना करिन । हुँकार बाटसे मढुर मिठास बोलिसे मै मोहिट होगिनु । ढिरेढिरे हुँकार मायामे बाझेलग्नु । हुँकार बारेम सबकुछ बुझ्ना चक्करमे  हुँकार मैयामे फंसगैनु । महि जात्तिसे मैयाँ लागगैल रहे । हुँकिनहे अपन बनैना पक्का करसेकल रहुँ । मै अपन ज्यानसे ज्याडा हुँकिन चाहेलागल रहुँ । ना हुँकिनसे भेंट हुइल रहे ना मै फोटु डेख्ले रहुँ । केबल फोनमे बाट होए । राटदिन मै हुँकार मायामे छटपटाइ लग्नु । फोनमे बाट नैकरल कौन दिन रहलहुइ । साइड उफे महि माया करे लागल रहि । 



भिडियो विज्ञापन हेर्नुहोला ।



लकभक टिन बर्ष हमार फोनमे बाट चलल् । ना डेखल ना जानल । जब तीन बर्ष लागल टब डोस्रे हम्रे फोंटुम एक डोसरहें डेख्लि । लौन्डि बटन मोबाइल चलाइन । बटन मोबाइल चलैलक कारनसे हम्रे एक डोसरहे डेखे नैपैले रहि । उ फेसबुक चलैटिन फेन कसिके बटन मोबाइल मे । जब हम्रे फोंटुमे एकडोसरहे डेख्लि टे उ बेलासे अउर ज्याडा मैया लागे लागल । काहेकि उ मोर कल्पना करलसे ज्याडा सुन्डरि रहिन् । मै हुँकार फोटु हेर हेरके हुँकार रुप रङसे अपन मन बुझाउँ । मने हुकिनसे फरक मैयाँ लाग्गैल रहे । साइड ढेर साल बाट कर्लक ओरसे हुइ । उ फेन जब मोर फोटो डेख्लिटे  तीन बर्ष पहिलेसे करल मैयाके प्रस्टाप स्विकार करलेलिन । हाँ मै टुहिन मैया कर्ठु ।  टुँहार बन्ना चहठुं कलिन । 


मै हुँकार मैयामे सारा दुनिया भुलासेकल रहुँ । असिन लागे मोर हुँकार बाहेक इ दुनियामे कोइफेन नैहो । हुँकार बिना मोर जन्गि खालि बा । राटडिन हुँकारे मायामे बिटे लागल । फेनसे  हमार चक्कर एक बर्ष चलल् । 


भिडियो विज्ञापन हेर्नुहोला ।



एक राटके बाट हो । मै हुँकिनहें फोन कर्नु । उ राट कुछ फरक बोलि सुन्नु । बाट कर्ना मन नैरहल हंस । टब फेन बाट कर्ना कोसिस करटहिन । उ राट मै कनु मै टुहिन बहुट चहठुं ओ लन्ना चहठुं  । अपन डुलहि बनैना चहठुं । टुँहार का बिचार बा ? जब मै इ बाट कनुटे उ अनेक बाहाना बनाइ लग्लिन । डुर बा कहाँ डाङ कहाँ कन्चनपुर मै लग्गे भोज कर्ना चहठुँ । मै अत्रा डुर कैसिके नेगम कना  बाट करे लग्लिन । मने मै हुँकार मैयामे पागल होसेकल रहुँ । जैसिकफेन हुँकिन अपन बनैना चहल रहुँ । उ मनाहि कर्टि गैलिन । मै कनु टुँ टे हाँ कले रहो । आज काजे नाइ कहटो । पिलिज मै टुहिं बहुट मैया कर्ठुं । टुँ ज्या चहबो उहे करडेम । जोन चिज मंग्बो उहे डैडेम कहिके बहुट सम्झैनु । मने उ जीवन साथि बने नैसेकम कना बाट कर्लिन । 


भिडियो विज्ञापन हेर्नुहोला ।



महि अपन नक्कलि मैयक याड आइलागल । मै अपन स्वार्थ मनोरन्जन के लाग किल सोंचले रहुँ । मने जब महिन धोखा मिलल टब पटा चलल् कि सत्य मैया काहो । बहुट जहन नाटक कर्के ओइन रुवइनु । जब उ धोखा डेलिन टब पटा चलल् । अत्रा जहन मै मैयाके नाटक कर्नु धोखा डेनु कैसिन लागल हुहिन । ओइनहे घर ना घाटके बनैनु । उ बेला ओइनके आँखिमसे आँसक धारा बहे पुगिन । मैयाके चिट्कार निक्रिन । उ डिन महिफे अस्टे हुइल रहे । उहे बेलासे मै कसम खैनु कि आपसे मैयक बहानास केक्रो जिन्गिक खेलवार नैकरम । ओराइल ।


संगम....✍️

एक टिप्पणी भेजें

0 टिप्पणियाँ

Close Menu