एकठो फुलरिया

 एकठो फुलरिया

एकठो सुन्दर सान्ती फुलरिया रहे । पबित्र माया प्रेमले सजल जोन फुलरियामे जीवन रहे । उहाँ ना दु:ख ना भुँख प्यास सब कुछ पुर्ण रहे । जोन फुलरियामे चारुओर हरियाली रहे फुला पशु पंछि चिंरै चुरुङ्गा अद्रिक अद्रिक जीव रहिंट । सब जहनके बिच्चेम बरे मजा सम्बन्ध रहिन । उहे फुलरियामे एक जोरी मनै सृजल रहिंट । उइने एक डोसरहे बहुट मैयाँ करिंट संगे नेग्ना, संगे हँस्ना, संगे खैना उइनके अपन कना कोइने रहिन सिरिफ डु जे किल रहिंट । उहे फुलरिया उइनके बसेरा घर रहिन । ओइनके कुछ डारी चिन्ता नै रहिन मने एक रोज ओइनके छोटमोट गल्टिसे जिन्गि उजरगैलिन । ओनके कथाके ओंरि असिक हुइठिन ।

सुरुमे बहुट बरस पहिले कुछचिज नै रहे । परमेश्वर किल रहिंट् । परमेश्वर हरेक चिज बनैना सुरु कर्लैं । इ सक्कु चिज बनैना अपन बोलिके किल शक्ति बेल्सलाँ । उहिन हे संसारमे रहल सुक्कु चिज बनैना ६ रोज किल लग्लिन । 

पहिल रोज परमेश्वर कलैं ओज्रार होजा टे ओज्रार हुइल । डोसर रोज कलै आकाश बन टे आकास बनल । 

तेस्रा रोज, परमेश्वर कलैं, "आकाश के टरे रहल पानी एक ठाउँमे जम्मा होस् ओ ओबाइल भूमि देखा परोस्।" परमेश्वर ओबाइल भूमिहे पृथ्वी कलैं ओ जम्मा  रहल पानीहे  टलुवा, लडिया ओ समुन्डर कलैं । ओ परमेश्वर घाँस, फूलहरू, रुखुवा ओ पृथ्वीम रहल रुखुवा बनैलैं।

चौठा रोजमे, परमेश्वर कलैं, “उहाँ आकाशमे ओज्रार होस!" असिके परमेश्वर सूर्य, चन्द्र ओ तारैयाँ बनैंलैं ।

संसार पूरा हुइल मने उहाँ कौनौ सजीव प्राणी नै रहिंट । पाँचौ रोजमें परमेश्वर कलैं, "समुन्डर जम्मा जीवित प्राणीनसे भरजाए, पृथ्वीमे आकाशमे चरैचुरु‌ङ्गी उरिंहि ।" परमेश्वरके कहल अनसार माच्छि ओ चिंरैं उहाँ रहिंट ।

छैटौ रोज, परमेश्वर पृथ्वीमे रहल जम्मा प्राणीनहे बनैलैं, बिभिन्न प्रकारके प्राणी जोन हम्रे डेख्ठि । टब परमेश्वर मनैन बनैलाँ । नर ओ नारी बनैलैं । इ थरुवा मेहर्वाहे बिशेष प्रकारसे बनैलैं । परमेश्वर धर्टिक् माटिसे आदम कनौ मनैयाहे बनैलैं । तब परमेश्वर आदमहे निन्द्वाके ओकर करङ्ग निकारके हव्वाकना ओकर जन्नि बनाडेलैं । असिके बनाके परमेश्वर हेर्लैं ओ बरे सुहावन जोर्या डेख्लैं । आब डुनु परानी थारुवा मेहर्वा बनगिलैं ।   

जब परमेश्वर अपन बनैलक् सक्कु चिज हेर्लैं, उ बरे सुहावन हरे  साहै । उ फुलरिया बरे सुहावन रहे जोन फुलरियामे उहे थारुवा मेहर्वनके बसेरा घर रहिन । मने एकरोज उहे फुलरिया छोर्के डुनुजहन निक्रे पर्लिन ।

काकरे कि उइने पाप कैमर्ले रहिंट । उहे गल्टिक् कारन उ फुलरियामे असान्ति छागैलिन । परमेश्वर उ थरुवा मेहर्वाहे ओइनके पापद्वारा सरा डुनिया खराब ओ मृटु फैल्नाके बारेम बटैलैं । परमेश्वर ओइनहे इहेपापके मारे संसारमे रोग बिराम, दुःख कष्ट कबुनै निप्टि जस्टक सबचिज बनागैलाँ अोस्टके एक रोज मरजैहिं कहलैं ।  

उ थरुवा जन्नि पाप कैमर्ले रहिंट मने परमेश्वर ओइनहे अफिन बरे मैयाँ करिंन । अपन बनाइल मनैन पर बरे प्रेम करिंट । उहे डुजे किल रहिंन मनै कना । उहे थरुवा मेहर्वाके एकठो बरे मजा खवर रहिन । परमेश्वर अभिन  ओइनहे मरेयाँ करिन ओ ओइने पाप कैमारल रलेसेफेन अपन लर्का बनैलैं । परमेश्वर उ थरुवा मेहर्वा उ सुन्दर फुलरिया मनसे निक्रे निक्रे पर्लेसेफेन अक्लि नै छोर्लिन  परमेश्वर लगातार उइनके हेरचाह करलिन । 

एकर अर्थ परमेश्वर उ थरुवा मेहर्वा पाप कैनासे पहिले जस्टे आवश्यक परल सक्कु चिजडिन ओसहरके डेटिगैलिन ओइनके लाग लुगरा बनाके घलाडेलिन । काम कैके खाइ सेक्ना आशर्वाद डेलिन । डु प्रानि धर्टि कोर्के अन्न उब्जनिके काम करे लग्लैं । काहेकि पाप हुइलक् मारे ओइनके अधिकार हेरागैल रहिन । परमेश्वार जनैले रहिन कि जोन माटिसे बन्ले उहे माटिक् उब्जनि खैबे ओ अन्टमे उहे माटिम मिलजैबे । 

असिके उ डु प्रानिन ओइनके मेहनट अनसार खाइक लाग असल असल खैना चिज डेलैं । पिअकलाग सफा जुर पानी रहिन । परमेश्वर उइनहे सन्तान जल्मैना आशिर्वाद फेन डेलिन । उ थरुवा मेहरुवा छाइ छावा फेन जल्मैलाँ । असिके एक्ठो सुन्दर सान्ति परयार परमेश्वरके सृष्टिमे रमैटि जिन्गि गुजारे लग्लाँ ।